07:25, 24 баш оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Афганистан талибдердин лидерлеринин Өзбекстанда кабыл алынышын сындады

На русском
10:19, 12 баш оона 2019 169

Баракелде -  «Талибан» кыймылынын лидерлеринин Өзбекстанда кабыл алынышы Ташкент тынчтык процессинде Кабулга жардам бергиси келбей турганын көрсөтүп турат. Бул тууралуу «РИА Новости» басылмасына Афганистандын Тышкы иштер министрлигинин расмий өкүлү Сабгатулла Ахмади билдирди.

8-августта Өзбекстандын Тышкы иштер министрлигинде «Талибан» кыймылынын Доха шаарындагы саясий кеңсесинин башчысы Бародар Ахунд менен жолугушуу болгон.

«Өзбекстанда «Талибандын» жетекчилигинин кабыл алынышы, ошондой эле сүйлөшүүлөрдүн жүрүшү Өзбекстан Афганистанга жардам берип же аянтты камсыз кылып жатканын көрсөтпөйт», - деди ведомствонун өкүлү.

Ахмади сүйлөшүүнүн кезектеги раундунун өтө турган жери жакынкы убакта белгилүү болорун билдирди. Ошондой эле ал раундду өз аймагында кабыл алууга Өзбекстан, Норвегия, Индонезия жана Германия даяр экенин кошумчалады.

Июль айынын аягында Өзбекстандын Тышкы иштер министрлиги өзбек тарап Афганистандын бийлиги менен «Талибан» кыймылынын жолугушуусун өткөрүп берүүгө даяр экенин билдирген. Ведомствонун маалыматы боюнча, Самарканд шаарында боло турган жолугушуунун так убактысы бардык афганистандык катышуучулардын макулдугу менен жарыяланат.

2018-жылдын март айында Ташкентте Афганистандагы кырдаалды жөнгө салуу боюнча өткөн жыйында Өзбекстандын президенти Шавкат Мирзиеев өзбек тарап афган бийлиги менен «Талибан» кыймылынын түздөн-түз сүйлөшүүлөрү үчүн бардык шарттар менен камсыз кылууга даяр экенин билдирген.

Пикирлер
Для добавления комментария необходимо быть нашим подписчиком