19:03, Үчтүн айынын жыйырма тогузу, 2020
Учурда окулуп жатат
17:45, Үчтүн айынын жыйырма тогузу, 2020 (206 адам окуп жатат)
Оштогу борбордук аянттын жанынан кримчөйрөнүн 5 өкүлү кармалды
13:46, Үчтүн айынын жыйырма тогузу, 2020 (119 адам окуп жатат)
«Фашисттик белгиби?» Нарын районундагы карагайлуу токойду кимдер түптөгөн?
12:41, Үчтүн айынын жыйырма тогузу, 2020 (66 адам окуп жатат)
Кафеде эс алып жаткан аялдын бетин тепкилеген кримчөйрөнүн өкүлү кармалды. Сүрөт
18:37, Үчтүн айынын жыйырма тогузу, 2020 (53 адам окуп жатат)
Видео: Коронавирус, 3 жаштагы баланын өлүмү жана күйөөсү токмоктогон Каныкей

Сүрөт, видео: Алмазбек Атамбаевдин үйүндөгү ок атышуу. Учурдагы абал

На русскомEnglish
00:09, Баш оона айынын сегизи, 2019 (Жаңыланды: 04:22, Баш оона айынын сегизи, 2019) 16250

Баракелде -  Алмазбек Атамбаевдин Кой-Таш айылындагы үйүндө 7-августта кечинде ок атылды. Анын кесепетинен бир нече адам жаракат алышты.

Маалымат толукталат

03:45: Күч түзүмдөрүнүн өкүлдөрү Кой-Таштан кетишти. Алар саат 03:00дө чыгарылып баштаган. Саат 03:45ке карата Кой-Таш айылында күч түзүмдөрү калган жок.

03:00гө карата жабыркагандар 45 адамга жетти. Алар Чүй облустук бириктирилген ооруканасында, Улуттук госпиталда, Бишкектеги травматология жана ортопедия илимий изилдөө борборунда, Улуттук хирургия борборунда дарыланып жатышат.

Бейтаптардын ичинен 22 адамдын башы жана баш мээси жабыркап, 13 адам резина октон жаракат алды. 2 адам ар кандай жаракат алса, 4 адам ок атуучу куралдан жабыркап, дагы төртөө денесинен жаракат алган.

02:29: Адамдардын тобу таштанды ташуучу унаа жана автобустар менен панорама тарапта жолду тосуп алышты. Алар унааларды өткөрбөй жатышат. Болжол менен 100гө жакын адам бар.

01:45: Равшан Жээнбеков Кой-Таштагы окуя боюнча: «Бир гана талап бар – милиция кызматкерлерин алып кетүү», - деп билдирди.

«Атамбаев аман-эсен. Эки тараптан тең жаракат алгандар бар… Жабыркагандар көп эле. Биз бир гана талап койдук: милиция кызматкерлерин алуу», - деди Р.Жээнбеков.

01:10: Депутат Дастан Бекешев социалдык түйүндөгү баракчасына ички иштер министринин орун басары Курсан Асанов менен УКМКнын жетекчиси Опумбаев депутаттар Карамушкина, Кодураңова жана Жогорку Кеңештин мурунку депутаты Равшан Жээнбеков менен сүйлөшүүлөрдү жүргүзүп жатканын жазды.

00:55: Октон жаракат алып, ооруканага жеткирилгендердин саны 36 адамга жеткенин Саламаттыкты сактоо министрлигинин басма сөз кызматы билдирди.

00:50: Президент Сооронбай Жээнбеков 8-августта эртең менен Коопсуздук кеңешинин жыйынын өткөрө турган болду.

00:42: Оор жаракат алып, ооруканага жеткирилген атайын багыттагы 2 аскер кызматкеринин бири көз жумду. Ок анын жүрөгүн тешип кеткен. Экинчи спецназга операция жасалып жатат. Ок чыгарылды, абалы оор.

23:50: Депутат Дастан Бекешев Жогорку Кеңеш кезексиз жыйынга чогулушу керек деп эсептейт.

23:47: Жогорку Кеңештин төрагасы Дастан Жумабеков кезектеги эмгек өргүүсүндө Талас облусунда жүргөнүн басма сөз катчысы Эльвира Темир билдирди. Анын айтымында, төрага жакынкы убакта Бишкек шаарына келет. Ал атайын операция боюнча төраганын пикири кандай экенин билбей турганын айтты.

23:43: ИИМдин басма сөз кызматы милиция штаттык режимде иштеп жатканын билдирди.

23:36: УКМК атайын даярдыктагы аскер кызматкерлери жашоочуларга ок чыгарганы тууралуу маалыматты четке какты.

23:30: Саламаттыкты сактоо министрлиги ооруканаларга жалпы 15 жабырлануучу жеткирилгенин билдирди. Чүй облустук ооруканасына 3, Улуттук госпиталга 3, Бишкектеги травматология жана ортопедиялык илимий изилдөө борборуна 9 адам түштү.

23:25: Атамбаевдин тарапташтарынын айрымдары үйдүн ичинде коргонуп жатышат. Алар атайын даярдыктагы аскер кызматкерлерин күтүшүүдө.

23:03: Абдил Сегизбаев бутунан жаракат алып, ооруканага жеткирилгени маалым болду.

22:54: Спецназдардын бири октон жаракат алды.

22:40: Саламаттыкты сактоо министрлиги жабыркагандардын саны 10 адамга жеткенин билдирди. Алардын бирине операция жасалууда.

23:05: Кой-Ташта уюлдук байланыш жана мобилдик интернет үзгүлтүккө учурап жатат.

22:41: Атамбаевдин үйүнөн анын тарапташтары, анын ичинде Фарид Ниязов да чыкты. Ал бул иш-аракеттер укук талаасынан тышкары болуп жатканын айтты. Ошондой эле басып алуу башталганда үйдүн аймагында аялдар жана балдар бар болгонун эске салды.

22:40: Журналисттерге Атамбаев үйүндө экенин айтышты.

22:36: Алмазбек Атамбаевдин тарапташтары атайын даярдыктагы аскерлерди кармап алышты.

22:36: Айрым адамдар Атамбаевдин үйүнө киришти.

22:25: Адамдардын тобу Атамбаевдин үйүнө кирүүгө аракет жасап жатышат. Айрым терезелер талкаланды.

22:15: Алмазбек Атамбаевдин кызы Алия Шагиева социалдык тармактагы баракчасына А.Атамбаев Кой-Ташта экенин жазды.

«Эч ким аны кармаган жок жана ал коопсуз жерде экени калп. Ал дагы эле Кой-Ташта», - деп жазды Шагиева.

22:13: Өрт өчүрүү кызматына өрт тууралуу билдирүү түшкөн жок.

22:05: Атамбаевдин тарапташтары дарбазадан короого киришти. Ок атуу улантылып жатат.

22:00: Атамбаевдин үйүндөгү чарба курулушунда ок атуу жана жардыруу башталды. Бир нерсе өрттөнүп жатат.

21:55: Атамбаевдин тарапташтары боз үйдүн ичинде коргонуп жатышат.

21:59: Ыкчам тергөө иш-чаралары улантылып жатат, деп билдирди УКМКнын басма сөз кызматы. Резина октор гана колдонулуп жатканы белгиленди.

21:45:Атылган октун жана жардыруунун үнү угулуп жатат. Эмне болуп жатканы белгисиз.

21:30: Депутат Ирина Карамушкина атайын даярдыктагы аскерлерди алып кетүүнү талап кылды.

21:28: Учурда короодо саясатчылардан Ирина Карамушкина, Фарид Ниязов, КСДПнын юристи Нурбек Касымбеков бар.

21:26: Кой-Таш айылынын башында атайын унаа менен келген милиционерлер чогулду.

21:17: Короонун алдына Атамбаевдин 100дөн ашык тарапташы чогулду. Алар унаанын өтүшүнө тоскоолдук жаратуу үчүн бактарды кыйып, дарбазанын алдына коюп жатышат.

21:15: Кой-Ташка бир нече тез жардам бригадасы жөнөтүлдү.

21:09: Атамбаевдин үйүнө жакын жайгашкан постко милиция кызматкерлери келишти. Жаш жигиттер жолдон өткөн унааларга таш ыргытып жатышат.

21:00: «Апрель» телеканалы атайын даярдыктагы аскерлер Атамбаевди үйүнөн алып чыгып кетишкенин билдирди. Бирок депутат Ирина Карамушкина Атамбаев үйүндө экенин айтты.

20:53: «Апрель» телеканалы айылдын үстүндө тик учак учуп жүргөнүн билдирди. 300дөй адам топтолду.

20:39: Айрым адамдар короого кирүүгө аракет жасашты. Атайын даярдыктагы аскерлер алар тарапка бир нече жолу ок чыгарды.

20:37: Кой-Ташка барчу жолдун эки тарабы тең жабылды. Тез жардам кызматы өтө албай жатат.

20:35: Жабыркагандарды үйдүн аймагынан чыгарып жатышат. Учурда 5 жабырлануучу чыгарылды.

20:32: Медицина кызматкерлери Кой-Таштан чакыруу түшкөнүн билдиришти. Аламүдүн районунан 5 тез жардам унаасы жөнөтүлдү. Бишкектен да бригада жөнөтүлгөнүн Саламаттыкты сактоо министрлигинин Чүй облусу боюнча координатору билдирди.

20:25: Кой-Таштын үстүнөн тик учак учту.

ИИМден комментарий алууга мүмкүн болгон жок. Чүй ОИИБдин басма сөз кызматы Кой-Таштагы ок атышуу тууралуу билдирүү түшкөнүн билдирди. Окуя болгон жерге ыкчам топ жөнөтүлдү.


Пикирлер
Для добавления комментария необходимо быть нашим подписчиком