11:11, 19 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Чүйдө 41 жашында 3 эм төрөгөн эне 10 баланын апасы болду

17:47, 2 баш оона 2019 2433
// Turmush

Баракелде -  Бишкек шаарындагы төрөт үйүндө 41 жаштагы эне 3 эмди жарыкка алып келди. Бүгүн, 2-августта көп балалуу Алексей Томилов менен Олеся Томиловага акчалай белек берилди, деп билдирди аймактык кабарчы.

Өкмөттүн Чүй облусундагы ыйгарым укуктуу өкүлүнүн орун басары С.Волкова, Сокулук районунун акими А.Сатыбалдиев, Крупская айыл өкмөтүнүн башчысы Ж.Эдигеев бул үй-бүлөнүн абалы менен таанышты. Анда С.Волкова губернатордун атынан 20 миң сом, Ж.Эдигеев 5 миң сом акчалай сыйлык тапшырды. Ошондой эле Томиловдордун үй-бүлөсүнө Сокулук айыл өкмөтүнөн 15 миң сом, Сокулук райондук мамлекеттик администрациясынан 10 миң сом бөлүнгөн. Сокулук райондук эмгек жана социалдык өнүктүрүү башкармалыгы тарабынан 6480 сом жөлөк пул каралганы маалым болду.

Томиловдордун үйүндө учурда 13 адам жашайт. Кожоюн Алексей Томилов (1976-жылы төрөлгөн) менен кожойке балдарды тарбиялоо менен алек.

Үй-бүлөнүн башка мүчөлөрү:

- 1997-жылы төрөлгөн улуу кызы Кристина (кароолчу болуп эмгектенет);

- 2002-жылы төрөлгөн Виктория (9-классты аякады);

- 2010-жылы төрөлгөн эгиздер — Юрий менен Дмитрий (3-класс);

- 2012-жылы төрөлгөн Каролина;

- 2015-жылы төрөлгөн Ангелина;

- 2017-жылы төрөлгөн Руфина;

- 2017-жылы төрөлгөн жээн небереси Ирина Томилова;

- Ал эми 29-июлда жарыкка келген 3 эмге жубайлар Рувим, Павел, Ирина деген ысымдарды тандашкан.

Пикирлер
Для добавления комментария необходимо быть нашим подписчиком