16:11, 18 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

9-сентябрь — Комуз күнү

На русскомEnglish
14:46, 29 теке 2019 (Жаңыланды: 08:22, аяк оона 09 2019) 404

Баракелде -  9-сентябрь — Комуз күнү. Бул күн Кыргызстанда 2019-жылдан тарта жыл сайын белгиленип турат.

Президент Сооронбай Жээнбеков «Комуз күнү жөнүндө» жарлыкка кол койгонун 29-июлда басма сөз кызматы билдирген.

Комузчулар

«Жогорку технологиялар ылдам өскөн шарттарда улуттук маданиятты сактап калуу мамлекеттик органдардын жана жарандык коомдун ишинин маанилүү багыттарынын бири болуп эсептелет. Улуттук маданият Кыргызстан элинин биримдигин бекемдөө үчүн шарттарды түзөт.

Кыргыз элинин руханий маданиятынын ажырагыс бөлүгү катары салттуу музыканы комузсуз элестетүү мүмкүн эмес. Комуз кыргыз элинин салттуу маданиятында өзгөчө орунду ээлейт. Комуздун күүлөрү өзүнө философиялык ойлорду, жашоо-турмушту жана маданияттын өзгөчөлүгүн камтып, муундан муунга өтүп, биздин күндөргө чейин жетти.

Азыркы шарттарда комуздун жаңы маанисин ачуу керек. Ал кыргызстандыктардын көп түрдүү маданиятындагы биримдиктин символу болууга тийиш. Кыргызстан элинин маданий интеграциясы коомдогу тынчтыктын, ынтымактын жана өлкөнү социалдык-экономикалык өнүктүрүүнүн негизи болуп калат. Ушуга байланыштуу Кыргызстандын этностук коомчулуктарынын маданияттар аралык диалогун кеңейтүү үчүн салттуу музыканын ролун күчөтүү зарыл», - деп айтылат маалыматта.

Аталган багытта тиешелүү ишти жүргүзүү максатында өкмөткө төмөнкүлөр сунушталды:

- 9-сентябрды Кыргыз Республикасында жыл сайын белгиленүүчү Комуз күнү деп белгилөө;

- Маданият, маалымат жана туризм министрлигине өкмөттүн облустардагы ыйгарым укуктуу өкүлдөрү, жергиликтүү мамлекеттик администрациялардын башчылары жана жергиликтүү өз алдынча башкаруу органдары менен өз ара аракеттенип, Комуз күнүн майрамдоого арналган иш-чараларды уюштуруу боюнча чараларды көрүүнү тапшыруу.

Бул жарлыктын аткарылышын көзөмөлдөө Президенттин аппаратынын жарандык өнүктүрүү, диний жана этностук саясат бөлүмүнө жүктөлгөн.

Пикирлер
Для добавления комментария необходимо быть нашим подписчиком