07:47, 25 баш оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Бишкекте автошоудагы кырсыктан 6 адам жабыркады, арасында чет өлкөлүктөр бар

На русскомEnglish
18:18, 21 теке 2019 90

Баракелде -  Бишкек шаарында автошоудагы кырсыктын кесепетинен 6 адам жабыркады. Бул тууралуу ШИИБдин басма сөз кызматы билдирди.

Бүгүн, 21-июлда саат 13:00 чамасында «Тойота Марк 2» унаасынын айдоочусу — 1987-жылы туулган Л.А.Фрунзе көчөсүнө бурулганда рулду башкара албай, топтолгон адамдарды сүзүп кеткен. Анын кесепетинен 1987-жылы туулган А.Н., 1997-жылы туулган У.М., 1992-жылы туулган Д.К., 2000-жылы туулган К.К., 1978-жылы туулган Ч.Ж. (Кытайдын жараны), 1982-жылы туулган Н.М. (Кытайдын жараны) жабыркады. Тез жардам кызматы тиешелүү жардам көрсөтүп, жабыркагандар Бишкектеги травматология жана ортопедиялык илимий изилдөө борборуна жеткирилди.

Бул факт Жоруктар жөнүндө кодекстеги 155-берене (автотранспорттук каражаттардын кыймылынын жана аларды пайдалануунун коопсуздук эрежелерин бузуу) боюнча Кылмыштар жана жоруктардын бирдиктүү реестрине катталды. Учурда тиешелүү, экспертизалар дайындалып, териштирүү иштери жүрүп жатат.

Буга чейин Жеңиш аянтында өтүп жаткан автошоуда айдоочулардын бири унаа менен атайын ыкма (дрифт) көрсөтүп жаткан учурда рулду башкара албай, жолдун четиндеги көрүүчүлөрдү сүзүп кеткени маалым болгон.

Пикирлер
Для добавления комментария необходимо быть нашим подписчиком