01:50, 18 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Сууда сүзүүчү Денис Петрашов Олимпиада оюндарына жолдомо алды

На русскомEnglish
15:52, 21 теке 2019 297
Денис Петрашов
Денис Петрашов

Баракелде -  Сууда сүзүүчү Денис Петрашов 2020-жылы Япониянын Токио шаарында өтө турган Олимпиада оюндарына лицензия утуп алды. Учурда Кореянын Кванджу шаарында сууда сүзүү боюнча дүйнө чемпионаты өтүп жатат.

Бүгүн, 21-июлда Денис Петрашов 100 метр аралыкка сүздү. Ага жалпы 87 спортчу катышты. Петрашов белгиленген аралыкты 1 мүнөт 0,94 секундда сүзүп өтүп, олимпиадалык нормативди (1 мүнөт 1,73 секунд) аткарды.

Кыргызстандын курамасынын башкы машыктыруучусу Евгений Петрашов АКИpress агенттигине: «Алдыда көптөгөн мелдештер бар, 200 метр дистанция боюнча Олимпиада оюндарына жолдомо алганга аракет жасайбыз», - деп билдирди.

Бул лицензия Кыргызстан үчүн 2020-жылдагы Олимпиада оюндарына алынган алгачкы жолдомо болду.

Пикирлер
Для добавления комментария необходимо быть нашим подписчиком