07:45, 25 баш оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Түркияда атылып каза болгон жигиттин денеси Кыргызстанга жөнөтүлө элек

На русском
14:16, 10 теке 2019 64

Баракелде -  Түркиянын Аланья шаарында көчөдө ок тийип каза болгон кыргызстандык 23 жаштагы жигиттин денеси жөнөтүлө элек. Учурда денени алып келүү иштери жүрүп жатканын Тышкы иштер министрлигинин басма сөз кызматы бүгүн, 10-июлда билдирди.

Кыргызстандын Стамбул шаарындагы башкы консулдугунун маалыматы боюнча, маркумдун денеси Анталья—Стамбул—Бишкек каттамы менен жөнөтүлөт.

Аланья

-------------------------------------------------

Түркияда полиция тарабынан 23 жаштагы кыргызстандык жигиттин өлүмү боюнча жалпы 4 адам кармалган.

7-июлда Аланья шаарынын аймагында 23 жаштагы М.И.ге тапанчадан ок атылып, ал ошол жерде каза болгон. Кийинчерээк полиция кызматкерлери шектүү катары 40 жаштагы А.Ы.ны кармашкан. Ал эми 8-июлда тергөө иштеринин жүрүшүндө дагы 3 адам — С.К., А.Г. жана П.С. кармалган. А.Ы.га адам өлтүрүү, С.К.га каракчылык беренеси боюнча айып тагылды. Ал эми А.Г. менен П.С. соттук көзөмөлдүн негизинде бошотулду.

-------------------------------------------------

Turmush басылмасы маркум жигит Ош облусунун Чоң-Алай районунун тургуну болгонун, үйлөнгөндөн кийин Түркияга кеткенин жазды.

Чоң-Алай айыл өкмөтүндөгү Кызыл-Эшме орто мектебинин директору Жамила Эрмекбаева: «И.у.М. биздин мектепте жакшы окуган окуучулардын бири болчу. Мектепти бүтүргөндөн кийин Ошто фотограф болуп иштеп жүрдү. Ноокаттык кызга үйлөнүп, Түркияга кеткенине 1 айдан ашыптыр. Азырынча сөөгүн өлүкканадан чыгаруу кыйын болуп жатыптыр деп уктук. Жакындары, ата-энеси каза болгонун угушту», - деген.

Маркумдун үйлөнгөнүнө 5-6 ай болгон.

Пикирлер
Для добавления комментария необходимо быть нашим подписчиком