06:04, 26 баш оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

«Унаа оңдотуп, акысына кыз алып келген»: Якутиядагы зордуктоо же кыргызстандык адамдын кылмышы

На русском
20:25, 26 кулжа 2019 757
Фото с места происшествия
Фото с места происшествия
// СУ СК России по Республике Якутия

Баракелде -  Якутск шаарынын жашоочусунун уурдалып жана зордукталышы боюнча кылмыш иш тергелип бүттү. Бул тууралуу бүгүн, 26-июнда Саха (Якутия) Республикасынын Тергөө комитетинин басма сөз кызматы билдирди.

Үч адам (арасында кыргызстандык жаран бар) ден соолукка жана өмүргө коркунуч келтирген зомбулук, зордуктоо жана каракчылыкка шектелип кармалган.

«Мындан тышкары алардын бири сотто сексуалдык мүнөздөгү зомбулук аракеттер беренеси боюнча жооп берет», - деп айтылат маалыматта.

Тергөө комитетинин басма сөз кызматы окуя тууралуу билдирүү таратты. Ушул жылдын март айынын башында эки шектүү автосервистин имаратында таанышынын унаасын 5 миң рублга оңдоп беришкен. Кардар материалдык жактан кыйынчылыктарга туш болуп, жумушчуларга акынын ордуна интимдик кызмат үчүн кыз алып келип берүүнү сунуштаган. Жумушчулар макул болушкан.

«16-март күнү кечинде айыпталуучулардын бири кыз издеп чыккан. Ал Кузьмин көчөсүнүн аймагынан бир кызды көрүп калган. Унаасын анын жанына айдап барып, кызды күч колдонуу менен унаанын ичине салып, эшиктерин бекитип койгон. Кое берүүнү суранган кызга айыпталуучу жооп берген эмес жана аны салып кеткен жерден анча алыс эмес жерде зордуктап салган», - деп билдирет Тергөө комитети.

Күч структураларынын маалыматына караганда, андан кийин айыпталуучу кызды унаа оңдоочу жайга алып барып, шериктерине өткөрүп берген. Ал кыздын бут кийимине катылган чөнтөк телефонду көрүп калып, аны алып койгон жана кылмыш болгон жерден изин жашырып кеткен.

Айыпталуучунун шериктери кызга унаа оңдоочу жайдын имаратынан кетүүгө мүмкүнчүлүк берген эмес. Алардын бирөө кызга карата күч колдонуп, сексуалдык мүнөздөгү иш-аракеттерди жасаган. Эртең менен алар уктап калганда жабырлануучу окуя болгон жерден качып, укук коргоо органдарына кайрылган.

Тергөө тарабынан шектүүлөрдүн күнөөсү далилденип, тергөө жыйынтыкталды. Ал эми топтолгон материалдар сотко жөнөтүлдү.

-----------------------------------------------------------------------

Якутиянын Комсомольск аянтында 17-мартта 200дөн ашык адам чогулуп, миграцияга байланыштуу мыйзамды катаалдаштырууну талап кылышканын жалпыга маалымдоо каражаттары жарыялаган. Алдын ала маалыматтар боюнча, мындай нааразычылыкка аял кишинин зордукталганы тууралуу тараган маалыматтар себеп болгон.

Болжолдуу маалыматтар боюнча, зордуктоого Кыргызстандын жараны шектүү экени айтылган.

«Зордуктоого шектүү адамдын сүрөтү жергиликтүү жалпыга маалымдоо каражатына жарыяланган. Андан улам анын улуту белгилүү болгону айтылып жатат», - деп жазган «Версия» басылмасы.

Пикирлер
Для добавления комментария необходимо быть нашим подписчиком