03:19, 12 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Биринчи вице-премьер жана депутаттар Токиодогу форумга катышты. Кандай маселелер талкууланды?

17:33, 21 кулжа 2019 111

Баракелде -  Бүгүн, 21-июнда Токио шаарында курчап турган чөйрөнү коргоо маселелери боюнча биринчи Жапон-Борбор Азия форуму өттү. Бул тууралуу Тышкы иштер министрлигинин басма сөз кызматы билдирди.

Форумдун алкагында биринчи вице-премьер-министр Кубатбек Боронов, депутаттар Курманкул Зулушев, Салайдин Айдаров жана өкмөткө караштуу Курчап турган чөйрөнү коргоо жана токой чарбасы мамлекеттик агенттигинин директору Абдыкалык Рустамов катышты. Форумдун программасы климаттын жана биологиялык ар түрдүүлүктүн өзгөрүшү, калдыктарды башкаруу, суунун жана абанын булгануусу маселелери боюнча дискуссиялык иш-чаралардын комплексин, ошондой эле глобалдык күн тартибинин чечими боюнча катышуучу өлкөлөрдүн күч-аракеттерин, тажрыйбасын камтыды.

Иш-чаранын жүрүшүндө Кыргызстан тарап «Климаттын өзгөрүшү жана биологиялык ар түрдүүлүктү сактоо» жана «Кыргыз Республикасында абанын булганышы жана калдыктар менен иштөө көйгөйү» темаларындагы презентациялары менен тааныштырды. Ошондой эле К.Бороновдун Японияга жумушчу сапарынын алкагында айлана-чөйрө министри Ё.Харада жана парламенттик вице-министр К.Ямада менен эки тараптуу жолугушуулары өттү.

Япониянын айлана-чөйрө министри Ё.Харада менен жолугушууда тараптар парламенттик байланыштарды өнүктүрүү, экология, калдыктарды башкаруу жана радиациялык коопсуздук тармагындагы кызматташтык маселелерин талкуулашты. Ошону менен бирге Кыргызстанда курчап турган чөйрөнү коргоо маселелери боюнча экинчи Жапон-Борбор Азия форумун өткөрүү боюнча Кыргызстан тарап демилге көтөрдү.

Вице-министр К.Ямада менен эки тараптуу жолугушууда кызматташуунун абалы жана келечеги тууралуу пикир алмашуу болду. Экономикалык кызматташууну мындан ары өнүктүрүүгө тараптардын эки жактуу кызыгуусу баса белгиленди.

Пикирлер
Для добавления комментария необходимо быть нашим подписчиком