16:37, 20 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Бишкектеги саммитти 500дөн ашуун чет элдик жана жергиликтүү журналисттер чагылдырат

На русском
13:25, 12 кулжа 2019 127
Иллюстрациялык сүрөт
Иллюстрациялык сүрөт

Баракелде -  13-14-июнда Бишкек шаарында боло турчу ШКУга мүчө мамлекет башчыларынын кеңешинин жыйынын чагылдыруу үчүн 500дөн ашуун чет элдик жана жергиликтүү жалпыга маалымдоо каражаттарынын өкүлдөрү каттоодон өтүшкөн. Бул тууралуу өлкө башчынын басма сөз кызматы билдирди.

Индиянын, Казакстандын, Кытайдын, Пакистандын, Россиянын, Тажикстандын, Өзбекстандын, Афганистандын, Белоруссиянын, Ирандын, Моңголиянын жана Япониянын 115 жалпыга маалымдоо каражаттарынан 443 журналист келет. Ошондой эле Кыргызстандын 32 жалпыга маалымдоо каражаттарынын 94 өкүлү аккредиттөөдөн өтүштү.

13-июнда Т.Сатылганов атындагы Кыргыз улуттук филармониясында ШКУга мүчө-мамлекеттердин башчыларынын катышуусу менен «Достук кербени» аттуу майрамдык концерт болот. Ал эми 14-июнда «Ала-Арча» мамлекеттик резиденциясында ШКУга мүчө мамлекеттердин башчыларынын кезектеги жыйыны өтөт.

ШКУга 8 мамлекет мүчө. Алар: Индия, Казакстан, Кыргызстан, Кытай, Пакистан, Россия, Тажикстан, Өзбекстан. Ал эми 4 өлкө байкоочу макамына ээ. Алар: Афганистан, Белоруссия, Иран жана Моңголия.

Пикирлер
Для добавления комментария необходимо быть нашим подписчиком