18:45, 22 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

«Акнет» компаниясынын башчысы 2 айга камалды

На русском
20:12, 30 бугу айы 2019 160
Глава Акнет Кубан Ажимудинов
Глава Акнет Кубан Ажимудинов

Баракелде -  Бишкек шаарынын Биринчи май райондук соту «Акнет» компаниясынын башчысы Кубан Ажимудиновду убактылуу кармоочу жайга 2 айга камады. Бул тууралуу АКИpress агенттигине булактар аркылуу маалым болду.

Болжолдуу маалыматтар боюнча, аны менен бирге «Строй сеть» ЖЧКнын башкы эсепчиси Л.И. жана башкы директору Б.Е. убактылуу кармоочу жайга киргизилди.

---------------------------------------------

Буга чейин ИИМ салыктан жана социалдык төлөмдөн качуу, карамагындагы ири өлчөмдөгү мүлктү ээлеп алуу, ок-дарыларды сактоо, тергөө органдарына тоскоол болуу, документтерди жасоо, коммерциялык кызматкердин кызматын кыянаттык менен пайдалануу жана «Акнет» ЖЧКнын мүлкүн бузуу жана жок кылуу фактылары боюнча 8 кылмыш иш козгогон.

Башкы прокуратура тарабынан 27-майда Каржы полициясынын «Акнет» ЖЧКнын түзүүчүлөрүнүн биринин арызы менен козголгон 5 кылмыш ишин токтотуу боюнча чечими жокко чыгарылып, тергөөнү уюштуруу ИИМдин Тергөө кызматына тапшырылган. Анын жүрүшүндө 2017-жылы «Акнет» ЖЧКга абоненттик төлөм катары 1 млрд сомдон ашык каражат түшкөнү аныкталган. Ал эми компания 2017-жылдын жыйынтыгы боюнча таза киреше 195 млн сом экенин көрсөтүп, калган сумманы чыгашаларга чыгарган. 2018-жылдын жыйынтыгында компаниянын эсебине абоненттик төлөм катары 1,2 млрд сомдон ашык киреше түшкөн.

«Тергөөнүн жүрүшүндө салык мыйзамынын сакталганы боюнча текшерүү жүргүзүлүп, "Акнет" ЖЧКнын кызмат адамдары тарабынан негизсиз чыгым келтирилгени жана салыкка 150 млн сом карызы бар экени такталган. Компания менен иштешкен жасалма 11 фирма аныкталды», - деп айтылган ИИМдин маалыматында.

2016-жылдын июнь айынан баштап 2018-жылга чейин «Акнет» ЖЧКдан «Строй сеть» ЖЧКга 101 млн 99 миң 401 сом которулган. Бул көрсөтүлгөн кызмат үчүн берилгени айтылып, бирок документ түрүндө тастыкталган эмес. Аталган эки компаниянын ишмердүүлүгү боюнча аудит өткөрүлүп, 2016-жылдын жана 2018-жылдын 3 айында «Акнет» ЖЧКдан 14 млн 176 миң 173 сом мыйзамсыз чыгарылганы аныкталган.

«Акнет» ЖЧКнын президенти, «Строй сеть» ЖЧКнын башкы эсепчиси жана башкы директору Жазык кодексиндеги 205-берененин (ишенип берилген мүлктү өзгөчө ири өлчөмдө ыйгарып алуу же которуу, адамдардын тобу же алдын ала сүйлөшүү боюнча адамдардын тобу тарабынан) 2-бөлүмүнүн 1-пункту, 3-бөлүмүнүн 1-пункту боюнча шектелип жатат.

Пикирлер
Для добавления комментария необходимо быть нашим подписчиком