18:39, 22 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Климаттык каржылоо боюнча борбор ишке берилди (сүрөт)

На русском
07:53, 24 бугу айы 2019 215
Мухаммедкалый Абылгазиев
Мухаммедкалый Абылгазиев
// Пресс-служба правительства

Баракелде -  Премьер-министр Мухаммедкалый Абылгазиев Климаттык каржылоо боюнча борбордун ишке берүү аземине катышты. Бул тууралуу өкмөттүн басма сөз кызматы билдирди.

Өкмөт башчы өз сөзүндө белгилегендей, бүгүнкү күндө климаттын өзгөрүү маселеси глобалдык күн тартибинин кыйла маанилүү жана актуалдуу маселелеринин бири болуп саналат.

«Биздин өлкө мындай глобалдык процесстерге активдүү катышуусу жана климаттын өзгөрүүсүнө туруктуулукту жогорулатуу боюнча зарыл чараларды көрүүсү зарыл. Буга байланыштуу Кыргызстандын климаттын өзгөрүүсүнө ыңгайлашуу боюнча пилоттук программасына кошулуу демилгеси 2015-жылы колдоого алынган. Белгилей кетсем, биз туруктуу өнүгүүнүн максаттарын карманабыз жана биздин өлкө туруктуу өнүктүрүүнүн глобалдык күн тартибин даярдоого жана талкуулоого башынан бери активдүү катышып келет. Глобалдык деңгээлде «Туруктуу өнүгүүнүн максаттары – 2030» жана климаттын өзгөрүүсү боюнча Париж келишимине кошулуу жана интеграциялоо боюнча пландуу иштер жүрүүдө», - деди Мухаммедкалый Абылгазиев.

Өкмөт башчынын айтымында, климаттын өзгөрүүсүнө туруктуулукту жогорулатуу боюнча күч-аракеттерди ишке ашыруу жана климаттын өзгөрүүсүнө ыңгайлашуу үчүн климаттык туруктуу инвестициялар талап кылынат.

«Жаңы инвестициялык долбоорлорду пландаштырууда климаттын өзгөрүү сценарийин жана мындай өзгөрүүлөргө ыңгайлашуу зарылдыгын эске алуу керек. Өнүктүрүү максатындагы эл аралык жардам көрсөтүү республикадагы климаттык аракеттерди колдоонун маанилүү булагы болуп саналат. Климаттын өзгөрүүсү чөйрөсүндө иштин чоң көлөмүн, ошондой эле институционалдык потенциалды күчтөндүрүү зарылдыгын эске алуу менен өкмөт тарабынан Климаттык каржылоо боюнча борбор түзүлгөн. Ал өлкөдө климаттык каржылоо маселелерин координациялоо үчүн институционалдык механизм болуп саналат», - деди премьер-министр.

Мындан тышкары ал көп иштерди аткарып, бул процесстин бардык катышуучуларынын — өкмөттүн, өнүктүрүү боюнча өнөктөштөрдүн, жарандык коомдун, бизнес жана академиялык чөйрөлөрдүн аракеттерин бириктирүү керектигин белгиледи. Мухаммедкалый Абылгазиев Климаттык инвестициялык банкка жана Европа реконструкциялоо жана өнүктүрүү банкына Кыргызстанга климаттык өзгөрүүлөргө туруктуулукту жогорулатуу жаатындагы чараларды ишке ашыруудагы колдоосу жана көмөгү үчүн ыраазычылык билдирди.

Пикирлер
Для добавления комментария необходимо быть нашим подписчиком