16:34, 20 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Жогорку Кеңеш менен Мамлекеттик Думанын төрагалары жолугушту

На русском
09:14, 20 бугу айы 2019 108

Баракелде -  Кечээ, 19-майда Жогорку Кеңештин төрагасы Дастанбек Жумабеков Россия Федерациясынын Мамлекеттик Думасынын төрагасы Вячеслав Володин менен жолугушту. Бул тууралуу парламенттин басма сөз кызматы билдирди.

Бул жолугушуу Бишкекте өтө турган Жамааттык коопсуздук келишим уюмунун Парламенттик ассамблея кеңешинин көчмө жыйынынын алкагында өттү. Алгач Дастанбек Жумабеков аталган жыйын Бишкекте өтүп жатканы ары жагымдуу, ары сыймыктуу миссия экенин белгиледи. Ошону менен катар эки өлкөнүн бийик даражадагы стратегиялык өнөктөштүгү жана союздаштыгы жогору баалана тургандыгын кошумчалады.

Сүйлөшүүлөрдүн жүрүшүндө Россия менен Кыргызстандын ортосундагы эки тараптуу бардык деңгээлдеги байланыштар туруктуу өнүгүү жолунда экени айтылды. Россия Федерациясынын президенти Владимир Путиндин Кыргызстанга болгон мамлекеттик сапары кыргыз-орус мамилелерин мындан ары бекемдөөгө негиз берип, өз ара пайдалуу макулдашууларга кол коюлганы белгиленди.

Ал эми Вячеслав Володиндин айтымында, ЖККУнун, КМШнын жана башка уюмдардын алкагындагы көп тараптуу кызматташтык, ошону менен катар эки өлкөнүн ортосундагы өз ара байланыш өз натыйжасын берип келет. Россия менен Кыргызстандын ортосундагы соода жүгүртүү кыйла жогоруласа, инвестициясынын көлөмү 30 пайызга өскөн.

Вячеслав Володин: «ЖККУнун Бишкектеги жыйыны натыйжалуу болорунан күмөнүм жок. Анткени өз ара кызматташтыктын укуктук негиздерин камсыз кылууда, улуттук мыйзамдарды бири-бирине жакындатууда аталган ассамблеянын акыркы жылдардагы аракеттери жаман эмес», - деди.

Ал эми биргелешкен аракеттердин натыйжасында эки өлкөнүн ортосундагы соода жүгүртүүнүн көлөмү 2 млрд долларга жетиши күтүлүүдө деген Дастанбек Жумабеков: «Евразия экономикалык бирлигинин алкагындагы кызматташтыкты бекемдөө менен соода-экономикалык байланыштарды арттыруунун жаңы мүмкүнчүлүктөрүн ачса болот», - деп кошумчалады.

Ошону менен бирге төрага Россия тарапка кыргызстандыктар үчүн миграциялык мунапысты ишке ашыргандыгы жана айдоочулук күбөлүгүн колдонууга мүмкүнчүлүк бергендиги үчүн ыраазычылык билдирди.

Пикирлер
Для добавления комментария необходимо быть нашим подписчиком