11:09, 19 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Индиялыктар парламенттин төмөнкү палатасын 1 айдан ашык убакыт шайлайт

09:18, 15 бугу айы 2019 112

Баракелде -  Кыргызстандын Борбордук шайлоо комиссиясынын өкүлдөрү Индиядагы жалпы шайлоого эл аралык байкоочу катары катышты. БШКнын жетекчисинин орун басары А.Бекматов жана БШКнын мүчөсү Е.Жылкычиева Индиянын Борбордук шайлоо комиссиясынын төрагасы С.Арордун чакыруусу менен барышкан.

БШКнын маалыматы боюнча, жалпы шайлоого байкоо жүргүзүү алкагында кыргызстандык өкүлдөр шайлоо участокторунун иши менен таанышты. Шайлоо процессинин айкындуулугун жана аныктыгын арттыруу максатында бардык штаттардын жана аймактардын ар бир шайлоо участогунда добуш берүү үчүн электрондук машиналар (EVM) менен бирге шайлоочулардын аныктыгын текшерүүнүн контролдук журналдары (VVPAT) пайдаланылат.

Индиядагы 7 этап менен өтүүчү жалпы шайлоо 11-апрелде башталган, 19-майда аяктайт. Добуштар 2019-жылдын 23-майында саналат.

Добуш берүүнүн жүрүшүндө 900 миллиондон ашык шайлоочу Индиянын парламентинин төмөнкү палатасынын 543 депутатын шайлайт, бул шайлоону эң масштабдуу демократиялык иш-чара катары санашат.

Индияда болжол менен 10 355 918 шайлоо участогу бар. Ар бир шайлоо участогунда шарттар түзүлгөн (ичүүчү суу, бастырма, мүмкүнчүлүктөрү чектелүү шайлоочулар үчүн пандус, добуш берүү үчүн атайын тосмо менен бөлүнгөн жай).

1951-1952-жылдары өзүнүн алгачкы улуттук шайлоосун өткөрүү менен Индия дүйнөдөгү ири шайлоо демократиясы макамын алган.

Пикирлер
Для добавления комментария необходимо быть нашим подписчиком