09:20, 14 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Людмила мас абалында кайын инисин бычактаган

На русском
16:06, 26 чын куран 2019 243
Иллюстративное фото
Иллюстративное фото

Баракелде -  Чүй облустук соту Людмилага (П.Л.В., аты өзгөртүлдү) карата козголгон кылмыш иши боюнча чечим чыгарды. Бул тууралуу соттун токтомунда айтылат.

Райондук сот аны күнөөлүү деп таап, 8 жылга эркинен ажыраткан.

2018-жылдын 6-августунда болжол менен саат 23:00дө Людмила мас абалында 1966-жылы туулган кайын иниси менен уруша кетип, ашкана бычагы менен анын курсак тарабына сайган. Ал эми жабырлануучу ооруканага жеткирилген.

Людмиланын айтымында, 6-августта үй-бүлөсү менен коноктон келген. Коноктон бир аз арак ичип алган. Үйүндө кайын иниси да мас абалда болгон. Болжол менен саат 21:30 чамасында анын күйөөсү эшикте ойноп жүргөн баласын чакыруу үчүн үйдөн чыгып кеткен. Ошол учурда кайын иниси Людмиланы коркутуп, адепсиз сөздөрдү айтып, кемсинтип баштаганынан экөөнүн ортосунда уруш чыгат. Андан кийин ал Людмиланын чекесине арактын айнек бөтөлкөсү менен чаап жиберген. Чекесиндеги канды көргөн Людмила жини менен кайнисинин курсак тарабына бычак шилтеген.

Курсак тарабынан кан акканда ал эшикке чуркап чыгып кеткен. Андан кийин үйгө кирип, милиция кызматкерлерин күтүп отурган. Людмиланын суранычы менен анын кошуналары милиция чакырышкан.

Милиция кызматкерлери аны бөлүмгө алып барышса, жабырлануучу ооруканага жеткирилген. Анын айтымы боюнча кайын инисин өлтүрөйүн деген ою болгон эмес. Анын кылган мамилесине жинденип, бычак менен сайган.

Жыйынтыгында райондук соттун өкүмү өзгөртүлүп, Людмила 7 жыл 6 айга эркинен ажыратылды.

Пикирлер
Для добавления комментария необходимо быть нашим подписчиком