18:37, 14 жетинин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

КСДПдагы өзгөрүү: Жаңы жетекчи каттаган Юстиция министрлигинин билдирүүсү

На русском
12:29, 18 чын куран 2019 391

Баракелде -  

Базадан КСДП партиясынын жетекчилигине байланыштуу маалыматтардын өзгөрүшү боюнча Юстиция министрлиги АКИpress агенттигине түшүндүрмө берди.

Расмий базадан КСДП партиясынын жетекчилиги тууралуу маалыматтар өзгөрдү

«Юстиция министрлигинин дарегине "Кыргызстандын Социал-демократиялык партиясын" кайра каттоо боюнча документтер түшкөн эмес. Ал аралыкта 2019-жылдын 5-апрелинде Кыргыз Республикасынын "Юридикалык тараптар, филиалдарды (өкүлчүлүктөр) мамлекеттик каттоо жөнүндөгү" мыйзамдын 18-беренесиндеги талаптарга ылайык Юстиция министрлигинин дарегине партиянын жетекчилиги, саясий кеңештин курамы жана партиянын дареги алмашканы тууралуу С.Абдрахмановдун колу коюлган билдирүү түшкөн. Бул билдирүүгө партиянын 18-съездиндеги протоколдун көчүрмөсү жана жаңы жетекчинин (С.Абдырахманов) паспортунун көчүрмөсү тиркелген.

Көрсөтүлгөн мыйзамдагы 18-беренеге ылайык юридикалык тараптар, филиал (өкүлчүлүк) чечим алынгандан кийин 30 календарлык күндүн ичинде каттаган органга билдирүү бериши керек. Берилген документтердеги маалыматтардын тактыгы үчүн юридикалык жоопкерчиликти билдирүү берген адам алат.

Каттаган орган билдирүү алгандан кийин мамлекеттик реестрге 7 жумуш күн ичинде юридикалык тараптар, филиалдар (өкүлчүлүк) боюнча маалыматтарды киргизет жана бул тууралуу тиешелүү органдарга билдирүү берет», - деп айтылат Юстиция министрлигинин билдирүүсүндө.

Ошондой эле Юстиция министрлигинин басма сөз кызматы КСДП партиясынан (Атамбаев) партиянын жетекчилик курамын жана уставын өзгөртүү тууралуу документтер берилгенин билдирди. Расмий маалыматта бул документтерге байланыштуу чечим эрежедеги тиешелүү иштер аткарылганда кабыл алына турганы айтылат.

Пикирлер
Для добавления комментария необходимо быть нашим подписчиком