11:12, 19 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

«Коопсуз шаар» долбоорунан түшкөн айып пулдун жарымы тез жардам кызматына берилет

На русском
15:42, 16 чын куран 2019 139
«Коопсуз шаар» долбоору
«Коопсуз шаар» долбоору

Баракелде -  Медициналык тез жардам кызматынын материалдык-техникалык базасы «Коопсуз шаар» долбоорунун алкагында түшүп жаткан айып пулдардын эсебинен жакшыртылат. Бул тууралуу өкмөт башчынын басма сөз кызматы билдирди.

Тийиштүү чечим «Коопсуз шаар» долбоорун ишке ашыруунун жүрүшү жөнүндө» жыйындын соңунда кабыл алынган.

Каржы министрлиги менен Саламаттыкты сактоо министрлигине, ошондой эле Маалыматтык технологиялар жана байланыш мамлекеттик комитети менен Бишкек шаарынын мэриясына «Коопсуз шаар» долбоорунун алкагындагы аппараттык-программалык комплекстерди пайдалануу аркылуу белгиленген жол кыймыл эрежесин бузуулар үчүн алынган айып пулдун суммасынан медициналык тез жардам кызматынын материалдык-техникалык базасын камсыздоо үчүн финансы каражаттарын бөлүү маселесин карап чыгуу тапшырылган.

Тийиштүү мамлекеттик органдар эки жумалык мөөнөттө аталган маселе боюнча өз сунуштарын Өкмөттүн аппаратына билдириши керек.

Пикирлер
Для добавления комментария необходимо быть нашим подписчиком