08:43, 18 тогуздун айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Кылмыштуу топтун сабалган экинчи мүчөсү каза болду

На русском
18:42, 10 чын куран 2019 469
Иллюстративное фото
Иллюстративное фото

Баракелде -  9-апрелде түн ичинде Бишкектеги ооруканалардын бирине оор абалда жеткирилген адамдардын экинчиси дагы каза болду. Бул тууралуу бүгүн, 10-апрелде Улуттук госпиталдын кабыл алуу бөлүмүнөн билдиришти.

Нөөмөтчүнүн айтымында, Улуттук госпиталдын реанимация бөлүмүнө эртең мененки саат 8:30да баш сөөгү сынып, ошондой эле мээсинен жаракат алып, дене табы 40 градуста болгон жабырлануучу жеткирилген. Ал саат 10:45те каза болгон.

Буга чейин Бишкек шаарындагы №2 төрөт үйүнүн жанында катуу сабалган эки адам табылган. ШИИБдин басма сөз кызматынын маалыматы боюнча, окуя тууралуу билдирүү бүгүн, 10-апрелде саат 01:45те келип түшкөн.

Алгачкы маалыматтарга караганда, эс-учун жоготкон эки адамды белгисиз жарандар төрөткананын короосуна жеткирип, өздөрү качып кеткен. Алардын биринин жанынан 1974-жылы туулган А.И.ге таандык айдоочулук күбөлүк табылып, бирок ал өзүнө келбей көз жумган.

Бул факты Жазык кодексиндеги 138-берененин 3-бөлүмү (ден соолукка оор зыян келтирүү) боюнча Кылмыштар жана жоруктардын бирдиктүү реестрине катталып, ыкчам тергөө жана издөө иштери жүргүзүлүп, тиешелүү экспертизалар дайындалган.

Жабырлануучулар уюшкан кылмыштуу топтун мүчөсү катары ИИМдин каттоосунда турат.

Пикирлер
Для добавления комментария необходимо быть нашим подписчиком