16:04, 13 бештин айы 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Валентина Шевченко Бишкек менен Оштогу күйөрмандарына жолугат

На русском
18:44, 4 чын куран 2019 375
Валентина Шевченко
Валентина Шевченко

Баракелде -  7-апрелде жеңил салмак боюнча UFC чемпиону, кыргызстандык мушкер Валентина Шевченко Кыргызстанга келет. Ал келе турган учак саат 18:30дө «Манас» эл аралык аэропортуна конот.

Ошондой эле Валентина Шевченко 8-апрелде Бишкек шаарында, ал эми 9-апрелде Ош шаарында күйөрмандары менен жолугушуу уюштурат.

Кыргызстандык чемпион курун сактап калуу үчүн 9-июнда Чикагодо (Америка) америкалык Жесика Ай менен беттешет. Валентина Кыргызстанга акыркы жолу 2011-жылы жайында келип, Ысык-Көлдө машыгуу иштерин жүргүзгөн.

Бириккен мушташ уюму (UFC 231) 2018-жылы 9-декабрда Канаданын Торонто шаарында уюштурган турнирдеги башкы атаандаштар — кыргызстандык Валентина Шевченко жана жеңил салмактагы мурунку чемпион Йоанна Еджейчик (Польша) болгон. Аягында 5 раунддун жыйынтыгы менен калыстар бир добуштан жеңишти Валентина Шевченкого беришкен. Муну менен ал кыргызстандыктардан UFC уюмундагы эң алгачкы чемпион болуп калган.

Бул беттеш үчүн UFC В.Шевченко жалпы 130 миң доллар гонорар алган. Ушундай эле суммадагы сый акыга Йоанна Еджейчик да ээ болгон.

Валентина профессионалдык деңгээлде жалпы 19 беттеш өткөрдү. Анын ичинде акыркы жеңишти кошкондо 15 жолу жеңишке жеткен. Кезектеги жеңишинен кийин Валентина Шевченкону президент Сооронбай Жээнбеков да телефон аркылуу куттуктаган эле.

Пикирлер
Для добавления комментария необходимо быть нашим подписчиком