11:09, 16 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

КСДПнын айрым мүчөлөрү «жаңы төрага» шайлаштыбы?

На русском
14:20, 3 чын куран 2019 306
Сагынбек Абдрахманов
Сагынбек Абдрахманов

Баракелде -  КСДПнын айрым мүчөлөрү партиянын төрагасы жана саясий кеңешинин ыйгарым укуктарын мөөнөтүнөн мурда токтотууга добуш беришти. Мындай чечим фракциянын айрым мүчөлөрүнүн бүгүн, 3-апрелде Кыргыз драмалык театрында өтүп жаткан чогулушунда кабыл алынды.

Жолугушуунун модератору Нурбүбү Кененбаеванын айтымында, добуш бергендердин саны 390 адамды түздү. Ошондой эле алардын чечими менен ревизиондук комиссиянын ыйгарым укуктары токтотулду.

Делегаттар Сагынбек Абдрахмановду «партиянын төрагасы» кылып шайлашты. Ал өз сөзүндө партиянын бедели төмөндөгөнүн айтты.

«Бул кызматка партиянын башка татыктуу мүчөлөрү, мисалы Иса Өмүркулов жана Асылбек Жээнбеков келсе болмок. Алар бул кызматка мен татыктуу экенимди айтышты», - деген Абдрахманов көрсөтүлгөн ишеним үчүн ыраазычылык билдирди.

Сагынбек Абдрахманов «Атамбаевсиз КСДП» демилгесин көтөргөн.

Катышуучулардын бири партиянын төрагасын шайлоо үчүн кайрадан добуш берүү керектигин билдирди. Ал муну чогулуштун модератору добуш берүүнүн алдында талапкерди көрсөтүү тууралуу гана айтканын, ошондуктан баары ага добуш бергени менен түшүндүрдү. Жыйынтыгында делегаттар С.Абдрахмановду партиянын башчысы кылуу үчүн кайрадан добуш беришти.

3-апрелде КСДПнын өзүнчө съезди өтө турганын депутат Иса Өмуркулов билдирген болчу. Бирок буга чейин партия айрым мүчөлөрдүн жыйналышы мыйзамсыз экенин айтып, КСДП расмий партиясы өзүнүн съездин 6-апрелде өткөрөрүн, ал эми партиянын лидери болуп азырынча Алмазбек Атамбаев каларын белгилеген.

Пикирлер
Для добавления комментария необходимо быть нашим подписчиком