11:16, 19 аяк оона 2019
Доска Авто Недвижимость Компании Кто есть кто Мнения читателей Ойно Работа Справочник АКИ-TV Баракелде Булбул

Эфиопиядагы авиакырсыктан 157 адам каза болду, арасында кыргызстандыктар жок

12:16, 11 жалган куран 2019 947

Баракелде -  10-март күнү эртең менен Эфиопия өлкөсүндө учак кулаганда 157 адам каза болду. Анын ичинде 149 жүргүнчү жана экипаждын 8 мүчөсү болгон.

Boeing 737 учагы Эфиопиянын борбору Аддис-Абеба шаарынан Найроби шаарына багыт алып, учкандан кийин бир нече мүнөттөн кийин радар экранынан жоголуп кеткен. Авиакомпания кырсыктан эч ким аман калбагандыгын тастыктады. Борттун ичинде 35 өлкөнүн жарандары болгондугу маалымдалганын Euronews телеканалы билдирди.

Авикомпаниянын өкүлү жүргүнчүлөрдүн арасында Кения өлкөсүнүн 32 жараны, Канаданын 18, Эфиопиянын 9, Италия, Кытай, АКШнын сегизден жараны, Британия менен Франциянын 7 жараны, Египеттин 6, Нидерландынын 5, Индиянын 4, Словакиянын 4, Австриянын 3, ошондой эле Марокко, Испания, Польша, Израилдин экиден жараны болгонун тактады.
Эфиопия өлкөсүндө кулаган учактагы 149 жүргүнчүнүн ичинде БУУнун жана ага тиешелүү түзүмдүн 19 кызматкери болгон. Бул тууралуу эл аралык миграция уюмунун башчысы Антонио Виторинонун билдирүүсүндө айтылды.

Кырсыктын себептерин атайын түзүлгөн комиссия тактайт.

Учурда белгилүү болгондой, учактын вертикалдуу ылдамдыгы туруксуз болуп, көрсөтүлгөн траекторияны багыттаган эмес. Учак 2,5 километр көтөрүлгөндөн кийин төмөндөп, кайра бийиктикке көтөрүлгөн. Учак Аддис-Абеба шаарынын түштүк-чыгышында 55 чакырымда кулаган.

Эфиопиянын премьер-министри Абий Ахмед Али кырсыктан каза болгондордун жакындары менен туугандарына көңүл айтты. Алар үчүн аэропортко жакын жайгашкан мейманканада психологиялык жардам борбору ачылды.

Пикирлер
Для добавления комментария необходимо быть нашим подписчиком